„Власта ја уби демократијата, крена рака на новинари и пратеници, власта крена рака на сопствениот народ. Тепа оној кој краде и се плаши. За пари удрија по сопствениот народ. А,а заборавија дека народот веќе не се продава. Можете да владеете со пари, ама не и со нашите души“, порача пред своите сограѓани, пратеничката Биљана Казанџиска.
Седум години, рече Казанџиска, овој народ полека умира во нивната преродба. Народот, рече, гладува, а Груевски си мести бродови по Вардар.
„Има ли крај оваа забеганост? Ајде преродбеници излезете да не видите колку сме. Народот си дојде по своето. Ни ја касапите државата а народот молчеше. Но веќе народот се крена и не молчи. Пружа отпор на оваа забегана власт. Македонија си ја бараме назад. Бараме да ни се врати достоинството и нормалниот живот. Се до целта ќе се бориме против оваа корумпирана Влада“, рече Казанџиска.