Нема да плаќаат комунална такса за јавно осветлување жителите од неколку кавадаречки села, во кои нема инсталирано улично осветлување, е одлуката што ја донесе Советот на општина Кавадарци.
Од плаќање такса се ослободуваат жителите на селата Бунарче, Галиште, Грбовец, Добротино, Драгожел, Драдња, Клиново, Кошани, Куманичево, Праведник, Р`жаново, Радња и местото викано Трлица, соопштија од Општина Кавадарци.
Сопствениците на викендици крај Тиквешко Езеро и во месноста Моклиште не се опфатени со одлуката бидејќи во тек е постапка за поставување опрема и овие населби наскоро ќе добијат улично осветлување.