Општина Кавадарци започна постапка за поставување споменик на жртвите од Тиквешкото востание од 1913 година против тогашната српска окупаторска власт.
– Целата постапка треба да заврши и споменикот да биде свечено откриен на 19 јуни, по повод 100-годишнината од овој голем историски настан во тиквешкиот крај, вели директорот на кавадаречкиот музеј, Петре Камчевски.
Тој најави дека следува конкурс на кој ќе се избере изведувач на проектот. Еден милион денари изнесува вкупниот фонд предвиден за негова реализација. Во Тиквешкото востание загинаа 545 жители на Тиквешијата.