Кавадарчанец нападнал полицаец со нож во петокот попладне пред Полициската станица Кавадарци, информираше денеска портпаролот на СВР Велес Анита Стојковска.
Според Стојкоска, О.К. (1986) од Кавадарци без никаков повод и причина му пришл на полицискиот службеник кој во моментот извршувал службено дејствие и почнал да му упатува сериозни закани по неговиот живот по што го нападнал со нож.
Со употреба на физичка сила е совладан и лишен од слобода, соопшти Стојкоска.
Осомничениот претходно бил приведен во полициска станица Кавадарци поради сторена сообраќајна несреќа под дејство на алкохол и напуштање лице место. По целосно документирање на настанот ќе следи соодветен поднесок.
