Категорично ги отфрламе невистините дека придавката „македонски“ се заменува со уставното име, велат од Комисијата

Од:

Категорично ги отфрламе невистините дека придавката „македонски“ се заменува со уставното име Република Северна Македонија и дека придавката „македонски“ ќе се користи само во цитатите на членовите на Комисијата, нагласуваат за МИА од македонскиот тим на Заедничката мултидисциплинарна експертска комисија за историски и образовни прашања.

-Членовите на македонскиот тим во Комисијата би сакале да ја информираат јавноста во однос на неточните и нецелосни информации кои се појавија во јавноста во врска со вчерашната виртуелна средба на која беше усогласен записникот од деветтата средба. Имено, категорично ги отфрламе невистините дека придавката македонски се заменува со уставното име Република Северна Македонија и дека придавката македонски ќе се користи само во цитатите на членовите на Комисијата, наведуваат од македонскиот тим на Комисијата.

Потенцираат дека на вчерашната средба беше постигнато техничко решение со кое одредени проблеми биле надминати, при што секоја страна останала на своите ставови и позиции во контекст на проблематичните прашања во содржината на записниците.

-Би сакале да испратиме повик до новинар(к)ите да известуваат одговорно и професионално за теми кои се важни за интересите на македонската држава, апелираат од Комисијата.

Дел од медиумите денеска објавија дека придавката „македонски“ ќе се користи само во цитатите од записниците, а во официјалните заклучоци од средбите ќе се употребува уставното име на земјава.

Македонскиот тим од Комисијата нагласи дека на вчерашната средба, на која се дискутираше за усогласување на содржината во записниците од деветтата и десеттата средба бил постигнат напредок.

– Двете страни ја усогласија содржината на Записникот од деветтата средба, а во однос на десеттата средба беа надминати неколку прашања поврзани со содржината на записникот, посочија од Комисијата.

Во периодот до наредната редовна средба, која начелно е договорена да се одржи на 25 и 26 февруари, ќе се продолжи со работа во однос на останатите прашања од записникот од десеттата и за записникот од последната, единаесеттата средба на Комисијата.

На вчерашниот онлајн состанок, на кој учествуваа по тројца претставници од двете страни, беше предвидено да се разговара само за текстовите на записниците што сè уште не се потпишани, но не и за какви било историски прашања.

Во 2021 година се очекува Комисијата да има пет состаноци. Претходниот, 11-ти состанок на Заедничката комисија се одржа на 4 декември минатата година.

Би можело да ве интересира

Нападнатиот Ѓорѓиев: Не е за долг, но досега никој не ме тепал ни што сум Бугарин, можеби е нарачател за да се испровоцираат Бугарите

Габриела Димковиќ-Мишевска

Шекеринска: Состанокот на Радев грешка во чекори, С. Македонија пример во регионот за почитување на правата на сите граѓани

Ана Ололовска

Арсовски за случувањата со Бугарија: Не доликува на земји-членки на НАТО да комуницираат на ваков начин

Ана Ололовска

(ВИДЕО) Интервју со Љубчо Георгиевски: Не го менувам ставот за Бугарија, имам три државјанства, може да ме протераат од Македонија

Габриела Димковиќ-Мишевска

Радев на состанок со бугарските разузнавачи откако биле „повредени правата на Бугарите во Северна Македонија“

Жарко Настоски

Владата ниту преговарала, ниту ќе преговара за македонскиот идентитет и јазик, коментарите на Георгиевски се негов личен став, нагласи премиерот

Ана Ололовска