Пратеничката од коалицијата на СДСМ, Ѓулумсер Касапи, побара од претседавачот Трајко Вељаноски, конститутивната седница да ја води како што треба.
– Оваа седница требаше да биде свечена, мирна, кратка, да се избере претседател и да заврши. Немате право да сте на местото претседател и да дозволувате пратениците од ВМРО-ДПМНЕ да не малтретираат, рече Касапи.
Таа побара пратениците од ВМРО-ДПМНЕ да дозволат да се формира владата на СДСМ, ДУИ, Алијансата за Албанците и можеби БЕСА.
– Се обидов да најдам зборови кои би можеле да допрат до вашиот ментален код и да сфатите дека сте опозиција, рече Касапи.