Касами: Недобивањето датум е неуспех на Владата, потребни се предвремени избори

Од:

Претседателот на партијата движење Беса, Билал Касами го оцени како неуспех на Владата недобивањето на датум за почеток на преговори со Европската унија и побара оставка од Владата и предвремени парламентарни избори.

На денешната прес-конфереција во партиското седиште во Тетово, Касами истакна дека движењето БЕСА предупредуваше оти не е доволно сторено за да се добие датум за почеток на преговорите.

-Иако оваа Влада дојде со многу ветувања, таа не остварува скоро ништо и ја испраќа земјата многу чекори назад. Од денес, земјата е во длабока криза, а надминувањето на оваа криза се решава со колективна оставка на оваа Влада и земјата што е можно поскоро да оди на предвремени парламентарни избори, рече Касами.

Движењето Беса, наведе Касами, досега укажуваше во ЕУ за потребата за почеток на преговорите и покрај владините неуспеси.

-Беса иако опозициската партија, постојано ги повикуваше институциите на ЕУ при нивната одлука за земјата да се движи понатаму кон ЕУ, да ја земат предвид евроатлантската ориентација на граѓаните на Северна Македонија, без оглед на нивната етничка припадност. Но, се чини дека уште еднаш неуспесите на Владата беа далеку поголеми од подготвеноста на некои европски земји за да не примат во ЕУ, рече Касами.

Според лидерот на оваа опозициска партија, веќе се препознава политичката криза во државата.

-Длабоката криза во која е Северна Македонија во пресрет на последниот неуспех на оваа Влада, најдобро ја покажува поканата на претседателот на државата за лидерска средба во недела. Движењето БЕСА својот став за излегување од кризата, исто така ќе го претстави на состанокот на лидерите и ќе повика на предвремени парламентарни избори, истакна Касами.

Би можело да ве интересира

Беса и Алтернатива имаат 48 часа да одговорат дали ќе коалицираат со Алијансата за Албанците

А1он

Зендели: Коалиција на БЕСА, Алијансата и Алтернатива е формула за изборна победа на албанскиот блок

Ана Ололовска

Движењето Беса прифаќа трипартиска предизборна коалиција

Ана Ололовска

Зендели за обраќањето на Пендаровски: Избалансиран настап во кое ги опфати сите отворeни прашања

Ана Ололовска

Алијанса за Албанците во преговори со Беса и Алтернатива предизборна коалиција

Ана Ололовска

Касами од Курти побара новата косовска влада да биде „поактивна во однос на Албанците во Северна Македонија“

Ана Ололовска