Денеска делегација на Општина Карпош, предводена од Претседателот на Советот на Општина Карпош, Сашо Лазаровски и членовите на Советот Горан Михајлов и Тања Ристевска, положија свежо цвеќе пред споменикот на настраданите жители на Скопје на Градските гробишта во Бутел. Општинското раководство, во име на своите сограѓани, изрази пригодна почит и сеќавање на овој настан.
Пред 51 години на овој ден, 26-ти јули 1963-та година, утрото во пет часот и 17 минути Скопје го погоди катастрофален земјотерес со интензитет од девет степени според Меркалиевата скала. Во урнатините животот го загубија 1.100 лица, 3.000 беа повредени, а 200.000 останаа без покрив над главата.
Меѓу најнастраданите подрачја во градот беше Општина Карпош. Меѓутоа, Карпош израсна во модерна општина, во општина на солидарноста во чие постземјотресно издигнување учествуваа инженерски и спасувачки екипи од сите краишта на светот.