ВИДЕО: Карпош ја затвора дивата депонија кај мостот „Газела“

Од:

Општина Карпош информира дека затворена е дивата депонија долж Кејот на реката Вардар, кај мостот „Газела“.

Општинските власти објаснуваат дека станува збор за дива депонија која со години била место на кое се собирале габаритен отпад и шут, а честопати се палеле и огнови на отворено кои дополнително придонесувале за загадување на амбиенталниот воздух.

При денешната теренска посета, градоначалникот Стефан Богоев посочи дека најстрого ќе биде санкционирано фрлањето и палењето на отпад и Општината заедно со Државниот инспекторат за животна средина и полициските службеници, ќе продолжат со засилени контроли.

„Во претстојниот период ќе ги затвориме и дивите депонии кај хотелот Александар Палас и спортскиот центар Борис Трајковски. Уште еднаш апелирам, да не се фрла отпади и да не се палат огнови на отворено, во спротивно, сите несовесни граѓани ќе бидат санкционирани“, посочи Богоев.

Што се однесува до просторот кај мостот „Газела“, градоначалникот посочи дека напролет ќе биде оплеменет со ново зеленило, садници и урбана опрема.

Овој простор ќе биде дел и од новиот парк кој ќе започне да се изведува во 2019 година.

Би можело да ве интересира

Јакимовски: Карпош не се купува со лаги – се брани со работа, резултати и достоинство

Предраг Петровиќ

(ВИДЕО) Лукровски: Целосна дигитализација на услугите за искоренување на корупцијата и почит кон времето и довербата на секој карпошанец

Вистинскиот избор за Карпош е Сотир Лукровски, велат од ВМРО-ДПМНЕ

Горан Наумовски

(ВИДЕО) Лукровски: Ќе ја направам општина Карпош најчисто и најуредно место во Скопје

Лукровски: Реконструкција на фасади, модернизација на лифтови и поставување шифрарници во сите станбени згради во Карпош

Димитров: Ќе го вратиме животот во културните центри изградени во социјализмот