„Власта што ќе реши, послушниците го спроведуваат, и да тепаат партеници и да протеруваат новинари“, рече вечерва на протестот во Скопје, Бобан Карапејовски.
Има новинари, рече, кои под превезот на неутралност не го осудија исфрлањето на колегите-новинари. Има правници кои го одмолчеа кршењето на уставот и законите. Има економисти, кои мoлчат пред Владата.
„Молчат, професори, академици. Не го осудуваат лудилото. Сите слободни граѓани ова мора да го осудат. Ова не е време за неутралност. Мора да ја завземат страната на слободата. Молчењето е соучество во злосторствотo“, рече Карапејовски.