Кандидатот за градоначалник на Куманово од коалицијата „Сојуз за иднината“ предводена од СДСМ Зоран Дамјановски денеска го посети затворениот базен кој е во фаза на изградба.
– Во рамки на базенот предвиден е и отворен базен и аквапарк. Проектот е почнат пред една година и очекувам да заврши до крајот на летото. Инвестицијата е во вредност од 150 милиони денари, рече Дамјановски. Додаде дека базенот ќе има комерцијални содржини на површина од 2.000 кавдратни метри и дека ќе се загрева со гасни котли.
– Ниту една локална самоуправа нема ваков проект во Македонија. Локалната власт на Куманово досега изгради и три спортски сали, рече Дамјановски и вети изградба на уште две и реконструкција на една спортска сала.
Рече и дека на кејот Кумановка ќе бидат поставени уште две детски игралиште, ќе биде покриено лизгалиштето, ќе се осовремени добиточниот пазар, ќе има уште еден мост за премин и подобрување на условите за чување на добитокот.