Заедно со вас ја напишавме програмата и во секое наше решение и проект, се препознава вашиот удел, став и мислење, изјави денеска на завршната прес-конференција кандидатот за градоначалник на Општина Вевчани од СДСМ и коалицијата „Сојуз за иднината“, Сашо Јанкоски.
Тој рече дека во текот на изборната кампања за локалните избори настапиле, достоинствено, храбро и принципиелно.
– Најискрено и со длабока почит, ви се заблагодарувам што ни отворивте врата, што срдечно не примивте во вашите домови, што бевте наши соборци и во најтешкото време ни дадовте поддршка да продолжиме по вистинскиот пат. Јас и мојот тим, заедно со мојата програма ви нудиме визија за промена, изјави кандидатот за градоначалник на Општина Вевчани од СДСМ и здружената опозиција, Сашо Јанкоски.