Кандидатот за градоначалник на ВМРО-ДПМНЕ за Пехчево Игор Поповски ги претстави приоритетите од својата програма за наредните четири години пред жителите на овој град.
Покрај изградбата на комуналната инфраструктура во општинскиот центар и во населените места на општината Игор Поповски рече дека доколку ја добие довербата од своите сограѓани, ќе се заложи за рестартирање на индустриските капацитети во Пехчево и за привлекување инвеститори од земјава и од странство за експлоатација на минералните суровини, се со цел да се отворат поголем број работни места.
– Туризмот е голем потенцијал и во соработка со централната власт, треба Пехчево да го добие своето место што го заслужува во мапата на туристичката понуда на Република Македонија, истакна Поповски.