Кандидатите за градоначалник на Центар Жупа кампања водат и во Италија

Од:

Двајцата кандидати за градоначалник на Центар Жупа, Аријан Ибраим и Неваип Исмаил, престојуваат во Италија, каде пред своите сограѓани, кои живеат и работат таму, ги претставуваат своите изборни програми.

Според изборните штабови на двајцата кандидати, средби ќе имаат во повеќе градови, посебно во подрачјето на Венето, каде има над четири илјади жители од општина Центар Жупа.

Тие ги презентираат изборните програми, во кои се најавува економски развој на Жупа, што би условило враќање на дел од печалбарите во родниот крај.

Аријан Ибраим, кој на оваа функција беше во изминатите четири години, предлог е на ДПТ, која е дел од коалицијата предводена од ВМРО ДПМНЕ.

Неваип Исмаил, беше прв градоначалник на општина Центар Жупа по територијалната поделба и осамостојувањето на општината.Тој е предлог на ДХП, која е дел од коалицијата преводена од СДСМ.

На локалните избори на 15 октомври, за место во 11 члениот општински совет кандидатски листи имаат пет политички субјекти.

Во оваа општина ќе се гласа на 16 избирачки места, а право на глас имаат над шест илјади граѓани.

Од здруженијата на печалбарите од Жупа најавуваат доаѓање на многу печалбари за да гласаат на локалните избори, што е вообичаена појава за секој изборен циклус.

Би можело да ве интересира

Мицкоски: Резултатите на локалните избори ќе покажат чија политичка реторика е исправна

Гаши локалните избори ќе ги распише во првата половина од август

Горан Наумовски

На страотен начин убиено куче спасувач во Италија, и премиерката Мелони се прости од него

ВМРО-ДПМНЕ: Изборот на Мартин Костовски за кандидат за градоначалник е доказ дека Заев сеуште владее со СДС

ВИДЕО: Експлозија на бензинска пумпа во Рим, над 20 повредени

СДСМ во Струмица за градоначалник го предлага Марјан Даскаловски – Костадинов не е дел од трката за локалните

А1он