Министерката Елизабета Канческа-Милевска го тужи за клевета портпаролот на СДСМ, Петре Шилегов.
Сослушувањето на странките езакажано за денеска.
Министерката го тужи за клевета Шилегов бидејќи на пресконференција искажал лаги, манипулации и невистини за проектот „Скопје 2014”.
Канческа-Милевска од портпаролот на СДСМ бара 11.000 евра оштета за навреда на честа и угледот.
Неодамна, Шилегов беше тужен и од министерката Гордана Јанкуловска. Првостепениот суд одлучи дека Шилегов треба да и плати над 8.000 евра на министерката за лекување на душевните болки кои и ги нанел.
Министерката за внатрешни работи Гордана Јанкуловска го обвини портпаролот на СДСМ Петре Шилегов дека не ја кажува вистината кога вели дека купила станови од 200 квадрати и наведува дека ниту законски ниту незаконски не заработила 200 000 евра за пет години.
Т.Ц.