Канадски денови денеска ќе се одржат во Скопје во организација на „Македонија 2025“ со поддршка на Канадската амбасада за Србија, Македонија и Црна Гора.
На настанот ќе се обрати амбасадорот на Канада за Србија, Македонија и Црна Гора Филип Пинингтон, а ќе присуствуваат и претставници од економскиот и образовниот сектор на Амбасадата, како и владини и универзитетски претставници и бизнисмени, кои ќе зборуваат на неколку панели на теми како регулаторни решенија за поттикнување на интеракцијата со странските пазари и македонско-канадската соработка во образованието и погледи кон иднината.
За време на вториот ден од Канадските денови, ќе бидат презентирани канадски образовни програми како и отворени повици за аплицирање за две програми на Македонија 2025, проектот Лидер и Студиска Тура во Торонто.