Министерството за информатичко општество и администрација денеска ќе ја промовира кампањата за безбедност на децата и младите на интернет „Сурфај безбедно“.
Кампањата е фокусирана на разбирање на ризиците и опасностите кои ги демнат децата и младите на интернет, како и на препораките за нивно навремено препознавање.
Покрај министерот и заменик министерот за информатичко општество и администрација, Иво Ивановски и Марта Арсовска Томовска, на прес-конференцијата по повод почетокот на кампањата, ќе присуствуваат и министерот за образование и наука, Панче Кралев, министерот за труд и социјална политика, Спиро Ристовски, директорот на Агенцијата за електронски комуникации, Роберт Орданоски, како и амбасадорот на Република Словенија во Република Македонија, Бранко Раковец.