Вкупно 17 овци угинаа на стариот регионален пат Штип – Велес откако во нив удри товарно возило, соопшти полицијата.
Според портпаролот на СВР-Штип Гордана Панајотова, несреќата се случила на патот меѓу селата Три чешми и Кадрифаково.
Увидот е во тек и засега нема подетални информации за евентуално повредени лица.
Во слична несреќа на оваа делница во 2010 година угинале 30, а во 2011-та 11 овци.