Товарно моторно возило утрово околу 7 часот се излизга на патот од Кавадарци -мотелот Дреново- Прилеп поради голомразица. Овој патен правец беше блокиран околу три часа.
Нема повредени и не е причинета материјална штета.
– Возилото целосно го имаше попречено патот па моравме да го пренасочиме сообраќајот по други споредни патишта. Полицијата и екипи на „Македонија пат” го отстранија товарното моторно возило и сообраќајот продолжи да се одвива нормално, соопштија од полицијата во Кавадарци и упатија апел до возачите да внимаваат и да ја прилагодат брзината кон условите на патот.