Грчкиот министер за одбрана, Панос Каменос синоќа, пред гласањето за уставните измени во македонското Собрание, на Твитер напиша дека се срами што во Европа има закани за затвор за тие кои што нема да гласаат по наредбите, а за послушните дека се делат и до 2 милиони евра црни пари.
– Кој би помислил дека во европскиот систем на вредности и демократија тие што не гласаат според наредбите се затворани, а послушните добиваат бонуси од 2 милиони евра црни пари. Засрамен сум, напиша Каменос на Твитер.
На неговиот твит одговори и портпаролот на македонската влада, Миле Бошњаковски, кој му напиша дека Владата веќе ги отфрлила ваквите шпекулации како лажни вести.
