Теута Арифи и Зијадин Села мака мачат со договорите за колаицирање и профункционирање на локалната власт. Градоначалниците и советниците избрани, но општините не можат да профункционираат. Со овој проблем се соочуваат општините Струга и Тетово.
Се уште се преговара, договара, се нуди и се бара, за да се договорат коалициите, со задоволување на сите афинитети и апетити.
Советот на Струга, со градоначалник од ДПА, има 27 советници, 11 се на коалицијата на ВМРО-ДПМНЕ и СДСМ „Заедно за Струга“, по 7 советници имаат ДПА и ДУИ и двајца се на НДП на Османи.
ДПА одлучи да не коалицира со СДСМ и ДУИ.
Коалицијата „Заедно за Струга“ е расположена со ДПА и за возврат го посакуваат претседателското место во Советот и неколку други директорски места.
За Струга веќе се зборува дека се можни нови избори за советници на општината.
Бројот на советници во Тетово е 33, 12 од ДУИ, 10 од ДПА, 5 од ВМРО-ДПМНЕ, СДСМ и ВМРО-НП имаат по двајца советници и по еден советник има од НДП и од ДПТ.
Во Тетово ДУИ и ВМРО-ДПМНЕ, коалициските партнери на централно, не можат да се договорат за колаиција и поделба на изборниот колач на локално ниво. ВМРО-ДПМНЕ го бара претседавачкото место во Советот и неколку раководни места. ДУИ не се согласува.
Тука веќе се говори за можна коалиција меѓу ДУИ и СДСМ.