Кабел во серверска соба се запалила во Институтот за трансфузиологија во клиничкиот центар „Мајка Тереза“, а на булеварот „Кочо Рацин“ горел автобус. На двете места интервенирале противпожарни бригади. Пожарот на Трансфузиологија е изгаснат, а пак кај запалениот автобус се интервенира.
На Трансфузиологија нема повредени лица и пожарот бил веднаш изгаснат со ПП-апарат од страна на вработените. На двете локации се интервенирало со две противпожарни возила, од кои на Трансфузиологија се постапувало превентивно. Информациите за „А1он“ ги потврди Владимир Симоновски, командант на противпожарната единица во Скопје. Тој информации за запалениот автобус најави за подоцна.
Од Министерството за здравство велат дека во Институтот за трансфузиологија се запалил кабел во серверска соба.
„Кабел се запалил во делот на серверите, каде што е интернет просторот. Изгаснат е со противпожарен апарат, а превентивно е повикана противпожарна бригада“, велат оттаму за „А1он“.
