Македонија е на прагот на сериозна политичка криза, по судирот меѓу владините демонстранти и опозицијата, кои ексалираа во понеделникот во македонскиот парламент, на седницата каде се усвојуваше буџетот за 2013 година, пишува хрватскиот „Јутарњи лист“ .
Во текстот се наведува дека владејачката партија ВМРО-ДПМНЕ, покрај опозициските протести и обидот за блокада на Собранието, го изгласала буџетот, за кој опозициските партии сметаат дека ќе ја доведе земјата до банкрот. Во Собранието малку фалело да потече крв.
„Полициските специјалци го спречија судирот меѓу поддржувачите на една и на другата партија, кои се маваа со шишиња, камења и со портокали“, пишува „Јутарњи“.
За владејачката партија да може лесно да го донесе оспоруваниот буџет, мораше да примени – благо кажано – недемократски потег. Таа насилно ги исфрли опозициските пратеници од Собранието, а пред тоа, истото го направи и со новинарите, се наведува во текстот.
„Најмалку четворица опозициски пратеници беа повредени во таа досеа невидена акција, а лидерите на опозцијата најавија напуштање на Собранието и блокади на крстосниците низ земјава“, информира хрватскиот „Јутарњи лист“.