Од понеделник ЈСП „Скопје“ ќе пушти во употреба нова автобуска линија во општината Кисела Вода. Станува збор за пробно возење на новата линија со број „163“ на која ќе циркулира миниавтобус.
Новиот миниавтобус ќе сообраќа на релацијата село Драчево-Општина Илинден, а трасата на движење е од село Драчево, по улица Китка, населба Драчево, Долно Лисиче, Јурумлери, Идризово, преку надвозникот низ Кадино, Марино се до Општина Илинден. Автобусот ќе сообраќа само во работни денови, и тоа во 6.15, 14 и 15.30 часот кон Драчево, а од Општина Илинден ќе тргнува во 7, 14.45 и 16,15 часот.