Јавно сообраќајно претпријатие СКОПЈЕ објави јавен повик за набавка на систем за автоматска локација на возила и систем за електронска наплата во автобусите, соопшти Градот.
Според повикот, предмет на набавка ќе биде систем за автоматско лоцирање на возилата, a информациите за нивното движење по коловозите граѓаните ќе ги следат на дисплеите што ќе бидат поставени на постојките и ќе можат да се информираат за колку време автобусот ќе се пристигне на постојката.
Исто така, ќе се набави и систем за електронска наплата во автобусите што ќе овозможи поефикасна наплата на билетите и побрз проток на патниците.
ЈСП договорот ќе го склучи за период од 36 месеци, сметано од денот на неговото потпишување.
Заинтересираните правни субјекти понудите треба да ги достават најдоцна до 28 февруари 2013 година во 13:00 часот.