Јавното претпријатие за јавни паркиралишта „Паркинзи на општина Центар“ денеска го доби спорот со Друштвото за сервисирање, трговија и услуги „Никофон“.
Основниот суд Скопје 2 констатира дека Никофон го нарушил мирното и непречено стопанисување на ЈП ПОЦ со јавното паркиралиште кај Аутомакедонија на ул. „М.Х. Јасмин“ бб. Тужениот самоиницијативно поставил дрвени палети со метални ланци на дел од паркиралиштето.
Дополнително, Судот го задолжува Никофон во иднина да се воздржи од вакви дејствија и да ја врати првобитната состојба на паркиралиштето.
На овој простор Никофон најавил дека ќе гради нова катна гаража, на чиј предлог и граѓаните се спротивставија со дежурање на просторот пред нивните згради за да го спречат Никофон да ја реализира оваа идеја.
Тие велат дека на неколку метри веќе има катна гаража и уште една иста таква би им го нарушила секојдневното живеење.