Новоизбраниот јавен обвинител, Љубомир Јовески ветува дека ќе ја врати игубената доверба во Јавното обвинителство. Тој се заблагодари на укажаната доверба за неговиот избор и рече дека тоа за него е голема чест, но и одговорност.
„За мене тоа е голема чест и одговорност. Пред голем предизвик сум да ја вратам изгубената доверба. Ќе се дистанцирам од извршната власт и други центри на моќ. Гарантирам самостојност во работата на обвинителите и гонење на криминалот врз основа на факти и докази. За време на вршењето на функцијата ќе го почитувам Уставот“ рече Јовески.
Тој не сакаше да прецизира кој е првиот случај за кој ќе се фати со работа.
„Оставете десетина дена да видиме кои се приоритетите на обвинителството“ нагласи Јовески.
Новиот јавен обвинител додаде дека е подобрена соработката со СЈО и дека таа ќе продолжи согласно законските можности.
Г.Н.Р.