Поради намалената издашност на бунарите и високите темератури од ЈКП „Пелагонија“ од Кривогаштани ги информираат граѓаните рационално да ја користат водата за пиење, бидејќи во спротивно жителите на оваа општина ќе останат без чиста вода за пиење.
Со цел да нема нарушување на водоснабдувањето, од ЈКП бараат да се штеди водата за пиење,а не да се користи за наводнување на земјоделските површини или миење на дворовите.
Со цел на плус 40 степени кривогаштанци да не останат без вода и за да се почитуваат мерките за рационално користење на водата, ЈКП „Пелагонија“ предвидуваат и секојдневна контрола, која ќе ја вршат вработените од ова претпријатие кај водокорисниците, за да утврдат дали на соодветен начин жителите на општината ја користат водата за пиење,а доколку тие не се придржуваат кон овие мерки, информираат дека ќе пристапат кон рестрикции во период кога потрошувачката е најголема.
Оние водокорисници што нема да се придржуваат кон мерките за рационално користење на водата, од ЈКП Пелагонија известуваат дека кон нив ќебидат преземани санкции според законски прописи.
А.Ш.