Ајде! – Платформа за граѓанска политика, на денешниот протестен перформанс со кој бара оставки и одговорност од виновниците за смртта на малата Тамара, објави банер со фотографија од др. Владимир Поповски, специјалист гинеколог акушер во болницата “Плодност” од Битола.
Со објавувањето на оваа фотографија е направена голема, но ненамерна грешка, бидејќи објавениот др. Поповски од “Плодност” воопшто не е поврзан со случајот на малата Тамара и не е член на која било од посочените лекарски комисии.
Ајде! јавно му се извинува на др. Поповски за направената грешка и за објавувањето на неговата фотографија и нагласува дека барањето за одговорност е насочено кон друг засегнат проф. др. Владимир Поповски, кој е заменик-претседател на првостепената комисија што одлучува за случаи како оној на Тамара.