Агенцијата за аудио и аудиовизуелни медиумски услуги денеска ќе го одржи четвртиот јавен состанок за 2016 година.
На состанокот, како што соопшти, покрај реализираните активности согласно Годишната програма за работа, ќе бидат презентирани и Истражувањата за застапеноста на родот во медиумите во 2016 година, Истражувањето за понудата на телевизиите наспроти потребите на лицата со сетилна попреченост, како и новите активности за промовирање на медиумската писменост.