Граѓаните покажаа дека бараат промени и против политиките на власта. Сами на избори против цел државен апарат, Давкова победи во 42 општини, да беа локални избори ќе имавме 42 градоначалници, а да беа парламентарни ќе бевме партија со најмногу пратенички мандати. ВМРО-ДПМНЕ имаше 62 илјади гласови повеќе од првиот круг, рече генералниот секретар на ВМРО-ДПМНЕ и шеф на изборниот штаб, Игор Јанушев.
– Порастот на гласовите за Пендаровски е неприроден и не е поради „метлата“ на Заев туку поради пазар, уцени и закани. Апсолутната власт значи апсолутна неодговорност на власта, ќе поднесме приговори до ДИК за групно гласање, поткуп и агитирање. Ќе поднесеме и кривични пријави, додаде тој.
Јанушев повтори дека остануваат на барањето за парламентарни предвремени избори.
Галена Николовска-Ризвановиќ