Се надеваме дека Република Северна Македонија во октомври ќе добие датум за преговори со ЕУ. Треба да почекаме, но јас верувам дека тоа ќе се случи, изјави Фрек Јанмаат, раководител на секторот за економски работи и прекугранична соработка во ЕУ Делегацијата во Скопје на денешната панел дискусија посветена на проектот еднаков пристап за ефективна правда.
-Овој проект доаѓа во добар момент, пред одлуката на ЕУ во октомври. Во неговите рамки се опфатени владеењето на правото и животната средина. Владеењето на правото е првото поглавје кое се отвора, а животната средина е најголемо со најголем број закони кои македонското законодавство треба да ги усогласи со европското. Проектот доаѓа во светло на одлуката за отпочнување на преговори. Среќен сум што ЕУ може да го поддржи овој проект за ефективна правда, спроведен од Флоразом и Асоцијацијата за еколошко право и менаџмент од Унгарија, истакна Јанмаат.