Министерката за внатрешни работи, Гордана Јанкуловска во одбрана на законот за лустрација. Таа вели дека лустрацијата во никој случај нема да го наруши функционирањето на безбедносните служби, која денеска беше во посета на полициската станица во Ранковце.
„Напротив ваков процес е за поздравување и значи расчистување со минатото во смисла да се оневозможат лицата кои на одреден начин напредувале во кариера или остварувале материјална корист да не можат да бидат носители на јавни функции. Сметам дека јавноста има право да знае кои лица на недозоволен начин, користеле методи непримерни за едно демократско општество и успеале за нив да остварат некаквна корист“, изјави Јанкуловска.
Министерката ги негираше информациите дека МВР има добиено пријава за прекршување на законот за МВР поврзано со лустрацијата.