Министерката за внатрешни работи Гордана Јанкулоска денеска во Истанбул, Република Турција, ќе учествува на петтата министерска конференција во рамки на т.н. Будимпештански процес посветена на миграционото партнерство на земјите од „рутата на свилата“.
На конференцијата на која што ќе учествуваат министри за внатрешни работи на земји членки на ЕУ, како и министрите за внатрешни работи од Албанија, Црна Гора, Швајцарија, Босна и Херцеговина, Азербејџан, Авганистан, Пакистан, Ирак, Руската федерација, свое обраќање ќе има и министерката Јанкулоска.
По завршувањето на конференцијата, предвидено е министрите да усвојат заедничка Декларација за воспоставување миграционо партнерство со цел да се промовира дијалог и соработка за управување со миграционите текови кои се случуваат долж „рутите на свилата“, со што се потврдува пренасочувањето на географскиот опсег и фокусот на Будампештанскиот процес.