Во рамки на проектот „Безбедни училишта“, денеска во Гостивар, министрите за внатрешни работи и за образование и наука, Гордана Јанкулоска и Спиро Ристовски ќе учествуваат на хепенингот што во овој град, како и во други осум града во државата истовремено ќе се одржува под мотото „Стоп за насилството“.
Хепенингот, на кој ќе учествуваат ученици од средните училишта во Скопје, Куманово, Гостивар, Тетово, Кичево, Охрид, Струга, Прилеп и Македонски Брод, а се реализира во организација на МВР, мисијата на ОБСЕ во РМ, како и локалните самоуправи во овие градови, всушност е најава за натамошно продолжување на превентивните активности во насока на едукација и заштита на малолетничката популација од девијантните појави.