Локалните избори 2013 година се одвиваа во мирна, фер и демократска атмосфера. Не е регистриран ниту еден посериозен инцидент.
Гласањето на избирачките места се одвиваше без пробелми и без нарушување на избирачкото право, оцени министерката за внатрешни работи Гордана Јанкулоска.
Според сите показатели со кои располага МВР, потенцира на прес-конференцијата министерката Јанкулоска, заедничка е оценката дека веројатно денеска имавме најдобро организирани и најчисти избори од независна Македонија. Сите заедно, нагласи таа, треба да бидеме горди на фактот што Република Македонија недвосмислено демонстрираше дека местото и е во ЕУ.
– Сакам да им честитам на сите граѓани на Република Македонија бидејќи покажаа храброст и одважност и докажаа дека имаат висока демократска свест, рече Јанкулоска.
