Јаневска објави: Нов закон за средно образование ќе има наскоро

Од:

Нов закон за средно образование ќе има наскоро – објави министерката за образование и наука Весна Јаневска на нејзиниот фејсбук-профил откако денеска соопшти дека Предлог-законот за средното образование, кој требаше да биде на дневен ред во собраниската матична комисија, утрово е повлечен од собраниската процедура.

– Законот за средно образование утринава го повлеков, Комисијата нема да се одржи. Се уште ќе се доработува тој закон и потоа повторно ќе го вратиме во процедура… Постојат многу други промени во законот што се неопходни да се направат, затоа што законот од 1995 година не е менуван. Донесени се незначителни 34 промени. Мораме да менуваме концепции, наставни програми и наставни планови, се она што е неопходно за децата да се стекнат поголемо знаење, да можат на факултетите да постигнат високи резултати и да останат во државата, изјави Јаневска денеска за медиумите за предлог-законот кој повторно се повлекува од Собрание.

Во објава на Фејсбук попладнево таа наведе дека во новото предлог-решение се предвидени: поголема поддршка за талентираните ученици; образовни асистенти во средните училишта; воведување кариерни советници кои ќе ги насочуваат учениците да продолжат да се надградуваат или да работат во соодветни области согласно нивните вештини и способности, а не според желбите на родителите; уредување на начинот на кој ќе се реализира формалното образование на децата во казнено-поправните и воспитно-поправните домови.

-Измени ќе има и во државата матура – воведуваме училишна и државна матура кои ќе се разликуваат во гимназиското, стручното и уметничкото образование. Ќе потсетам дека постојниот закон е усвоен во 1995 година, напиша Јаневска на Фејсбук.

Би можело да ве интересира

Јаневска: До последен да се вклучиме да им помогнеме на младите да се справат со проблемот по трагедијата во Кочани

Трамп потпиша извршна наредба за распуштање на Министерството за образование

Министерката Јаневска се самопоканила на студентскиот собир

Јаневска: Законот за високо образование ќе претрпи големи промени

А1он

Хајделберг факултетот се доближува до идните академски граѓани: Започна караван низ средните училишта во Македонија

A1on

МОН објави конкурси за стипендии за најдобрите универзитети во академската 2025-2026 година