Во оваа календарска година општина Кочани ќе добие современа патна инфраструктура на неколку патни правци и тоа Оризари-село Врговци во Осоговијата во должина од 4,5 километри во вкупна вредност од 20 милиони денари, патниот правец Кочани-село Бели во должина од два километри во вредност од 9,2 милиони денари и патниот правец кон село Лешки во должина од еден километар во вредност од 1,5 милон денари, истакна министерот за транспорт и врски Миле Јанакиески на денешната прес-конференција во Кочани.
Посочи дека ќе се работи паралелно и на проектот за одвојување на атмосферската од фекалната канализација во вкупна должина од 10 километри.
– За реализација на проектот се веќе обезбедени финансиски средства во износ од 69 милиони денари од Европската инвестициска банка, благодет кој ќе го користат седум илјади жители на Кочани, истакна Јанакиески.
Тој најави и изградбата на 42 социјални стана во населбата Калиманова глава, чија реализација ќе започне наскоро.