Градоначалникот на Карпош, Стевчо Јакимовски во интервју за Нова Македонија одговара на прашање за тоа дали постои некаква можност за соработка, коалиција, меѓу него и Андреј Жерновски, градоначалникот на Центар.
– Тој првпат во животот треба да почне нешто да работи и, за жал, започна да го работи со кавга. Очекувам по оваа негова помпезна расправија, полека но сигурно да се претвори во плачка и сигурно оној што ќе плаче ќе биде Жерновски. Не верувам дека претставниците на власта ќе му седат со скрстени раце. Ако што било се обиде има второстепени владини комисии, кои ќе ги поништуваат сите негови одлуки, така што мислам дека бадијала пука со ќорци. Наместо да се посвети на тоа што треба да го прави во наредниот мандат, тој започна со запирање проекти. Мојот и неговиот концепт за водење општина се сосема различни и нема зошто ние двајцата да бидеме некаква коалиција – вели Јакимовски.