Кандидатот за градоначалник на Карпош од редовите на СНСМ, Стевчо Јакимовски денеска одржа прес-конференција на која ги презентираше деловите и програмата во населбата Злокуќани.
Тој истакна дека на овој простор е планирана изградба на ресторани, кафе барови, тениско игралиште, кошаркарско игралиште, ергела и фонтана.
Ова ќе биде едно од најубавите спортски игралишта во Скопје и она што е најбитно, граѓаните ќе имаат пригодно место за дружење,не само од овој дел на Карпош, туку за целото Скопје. Она што е најбитно е дека околу 30-на жители од овој дел од Злокуќани ќе се вработат и ќе бидат работно ангажирани за реализација токму на овој проект, рече Јакимовски.