„Сакам да им укажам на премиерот Никола Груевски и на градоначалникот на Скопје Коце Трајановски дека со овие 700-800 метри што се изградени на булеварот Теодосиј Гологанов на територија на Општина Карпош не се разреши тесното грло во овој дел од сообраќајот, туку напротив, тој и натаму остана, вели градоначалникот на Општина Карпош, Стевчо Јакимовски.
„Очигледно е дека градоначалникот на Скопје и малку кога нешто ќе направи за Карпош, смета дека тоа е страшно многу и ние треба многу да му бидеме благодарни.
– Еве ако така сака, јас во името на граѓаните на Карпош јавно му се заблагодарувам, но во исто време го повикувам да ни ги достави проектите од останатиот дел од булеварот Теодосиј Гологанов. Ние како локална самоуправа ќе распишеме тендер, ќе избереме изведувач и останатиот дел од булеварот, онаму каде што вистински постои проблем самите ќе го разрешиме“, додаде Јакимовски.