На завршниот митинг кој го одржа вечерва во Лептокарија побара граѓаните на Карпош да го дадат својот глас за него и неговиот граѓански концепт.
Стевчо Јакимовски в недела очекува убедлива победа во Карпош. Назавршниот митинг кој го одржа вечерва во Лептокарија побара граѓаните на Карпош да го дадат својот глас за него и неговиот граѓански концепт. На своите сограѓани им порача дека е доста од поделби и ја побара поддршката од сите без разлика на етничка или политичка определба
Јакимовски пред жителите на Карпош ги повтори проектите со кои ја бара нивната доверба, Гасификација, бесплатни градинки и екскурзии, поддршка на талентирани спортисти, вработување на младите, изградба на пензионерски дом, помош на старите и сиромашните.
За изминатите 17 дена од кампањата, тој рече дека се сретнал и разговарал со околу 12 000 граѓани, кои му ја ветиле поддршката и храбро ги истрпел ниските удари и критиките на неговиот противкандидат. В недела граѓаните ќе докажат дека знаат да ги почитуваат вистинските вредности, рече Јакимовски и ги повика да го заокружат бројот 8.
