Претседателот на Граѓанската опција за Македонија, Стевчо Јакимовски на вечерашниот митинг во општина Центар оцени дека граѓаните на Македонија го поддржуваат нивниот концепт.
– Како нова политичка опција, се залагаме за стратешко планирање, во поглед на сразмерно трошење на буџетските средства. Тоа подразбира пренасочување на повеќе пари во стопанството, за сметка на трошоците во администрацијата и други нестопански инвестиции, рече Јакимовски.
Нам ни е потребна, нагласи, функционална демократија и ефикасен модел на пазарна економија, која ќе го стимулира растот и развојот на стопанството.
– Ефектот од тие мерки би бил креирање на нови работни места и подобрување на животниот стандард на сите наши сограѓани, потенцира Јакимовски.