По минатонеделната забрана за увоз на јаболка од Калифорнија на Филипините, забрана за продажба и употреба на американските јаболка заразени со опасниот вирус листерија, денеска донесоа Малезија и Тајланд.
Во соопштенијата на двете министерства за здравство не се наведува колкави количини јаболка биле увезени во Тајланд и Малезија, но се шпекулира за над 1.000 тони јаболка кои ќе мора да се уништат.
Од државите во регионот на југоисточна Азија единствено во Сингапур не се увезени јаболка од Калифорнија за кои и американската администрација за храна и лекови има утврдено дека се заразени со два типа на вирусот листерија. Овој вирус кај луѓето може да предизвика тешка главоболка, грозница, големи болки во мускулите и смрт.