Поранешниот претседател на ВМРО-ДПМНЕ, Никола Груевски денеска изврши примопредавање на кабинетот на новиот лидер на партијата, Христијан Мицкоски. Груевски му посака успех во работата на Мицкоски, истакнувајќи дека членството очекува мудрост и разум во одлучувањето, како и решителност во справувањето со предизвиците наметнати од Владата.
Претседателот на ВМРО-ДПМНЕ Мицкоски посочи дека водењето на ВМРО-ДПМНЕ преставува голема чест и предизвик, дека ќе биде максимално насочен кон исполнување на очекувањата и креирање на понуда за она што се очекува од ВМРО-ДПМНЕ да биде одговорна опозиција и жесток критичар на сите неразумни политики од владата.
– Приоритет ќе биде зајакнувањето на партијата, а силното ВМРО-ДПМНЕ ќе преставува фактор во креирањето на стабилна иднина на државата, заштита на интересите на државата, и воспоставување на економски просперитет потребен на граѓаните, како и градење на мостови на соработка, истакна Мицкоски