МВР денеска соопшти дека во периодот од 20,00 до 20,30 часот во СВР Тетово и СВР Куманово е пријавено дека се слушнале детонации во близина на полициските станици.
Од страна на полициски службеници е излезено на лице место при што е извршен увид на местото на настанот во присуство на Јавен обвинител. Од лице место се подигнати траги кои се испратени на вештачење.
– Од извршениот увид е констатирано дека детонациите биле надвор од полициските станици при што не е предизвикана материјална штета. Се работи на целосно расчистување на случајот, се појаснува во соопштението од МВР.