Попладнево се извлечени двајцата француски државјани кои се загубија на Попова Шапка. Од СВР Тетово информираа дека Французите биле пронајдени живи и премрзнати.
„Полициски службеници од Полициското одделение Попова Шапка и претставници на Горскоспасителната служба веднаш започнаa со координирани активности за нивно лоцирање, пронаоѓање и извлекување од силното снежно невреме.Некаде околу 17 часот и 50 минути, тие се пронајдени живи, но премрзнати и со ратрак се спуштени во Полициското одделение Попова Шапка“, информираа од СВР Тетово.
Денеска околу 15 часот беше пријавено дека двајца француски државјани, волонтери во Центарот за интеркултурен дијалог од Куманово залутале и се изгубиле на падините на Попова Шапка и дека единствено знаеле дека се наоѓаат покрај некоја карпа.