Во текот на вчерашниот ден Министерството за внатрешни работи продолжи со засилени акциски контроли во областа на сообраќајот, при што на територијата на град Скопје изречени се вкупно 197 мерки.
-Од вкупниот број санкции, 53 се за возење повеќе од дозволената брзина, 23 санкции се за возење без возачка дозвола, изречени се 14 санкции за возење под дејство на алкохол и шест санкции за технички неисправни и нерегистрирани возила, информира МВР.
За користење мобилен телефон изречени се девет мерки, седум за возач почетник, девет санкции за минување на затворен сигнал и 32 за непрописно паркирање.
Министерството информира дека сообраќајните контроли продолжуваат и во текот на наредните денови и апелира до граѓаните да се почитуваат сообраќајните правила и прописи со цел побезбеден сообраќај.
