На територијата на град Скопје изминатата ноќ се изречени вкупно 157 мерки, меѓу кои 46 санкции за возење со брзина поголема од дозволената, пет за возење без возачка дозвола и четири за нерегистрирани возила, соопшти Министерството за внатрешни работи.
Изречени се и 10 санкции за користење мобилен телефон при возење, 21 прекршок што го чинат возачите на мотоцикли и 41 санкција за непрописно паркирање.
Од МВР информираат дека засилените акциски контроли продолжуваат и во наредните денови и апелираат до граѓаните да се почитуваат сообраќајните правила и прописи, со цел зголемување на безбедноста во сообраќајот.
