Седмичните податоци што ги објавува Центарот за јавно здравје од Охрид, а се однесуваат на населението што живее на подрачјето на општините Охрид, Дебрца, Струга, Вевчани, Дебар и Центар Жупа, покажуваат дека во периодот од 12 до 18 септември лабораториски е дијагностицирано присуство на Ковид-19 кај вкупно 47 лица и тоа кај 15 лица од општина Охрид, 24 лица од општина Струга и кај осум лица од општина Дебар.
Во овој период за тестирање земени се вкупно 116 примероци, од кои 52 по епидемиолошки индикации (лица кои исполнуваат критериуми за дефиниција на случај), а 64 со упат од матичен лекар.
Според објавените податоци, во Охрид моментално има 48, во Струга 64, а во Дебар 40 активни случаи на заболени со коронавирус. Починати се седум лица од кои три од Охрид и пет од Струга. Во истиот период оздравени се 21 лице од Охрид, десет лица од Струга и две лица од Дебар.
Од почетокот на епидемијата заклучно со вчерашниот ден е дијагностицирано присуство на Ковид-19 кај вкупно 1 315 лица во општините Охрид, Дебрца, Струга, Вевчани, Дебар и Центар Жупа, од кои кај 401 лице во општините Охрид и Дебрца, 639 лица во општините Струга и Вевчани и 275 лица во општините Дебар и Центар Жупа. Оздравени се 335 пациенти од Охрид и Дебрца 518 од Струга и Вевчани, а од Дебар и Центар Жупа 275 пациенти. Црниот биланс досега се 18 починати лица од Охрид и Дебарца, 57 од Општина Струга и 13 од Дебар и Центар Жупа.